أول لحظات دخول الجنة
بعد ما ينتهى العمل والتكليف ويخلص الناس الحساب ويمشوا من العالم الى مليان نفاق وشرور وحروب وكراهية
هتكون النظرة الأولى في الجنة ملاينة بالاطمئنان والحماس والفرح والسعادة
وفى اللحظة دى هترتاح من الهموم بدون التفكير فى المستقبل او التخطيط للحياة
فهيتحول الجسد من جسد ضعيف متهالك لجسد خالد ممتلئ بالنشاط والقوة
ففى الجنة مفيش شمس ولكن كلها ظلال والاكل والشرب ملوش مثيل
فبيكون للشخص قوة بتعادل 100رجل والعرق الى بيخرج من الجسم زى ريحة المسك
والجنة لا يدخلها إلا المؤمن وبعد الدخول الناس بتنقى وبتطهر وبتطيب قلوبهم
وبتتحسن اخلاقهم فمبيشتهوش الخبائث والخيانة والكذب
واقل اهل الجنة اعظم من ملوك الدنيا كلها فمابالك باعظم منزلة
فى اللحظة الى هتقابل كل احبابك الى فارقتهم فى الدنيا
هتشوف الانهار والقصور والثمار والذهب والؤلؤ
فهتشوف المريض الى شفى والمهموم الى سعد والشيخ الى الى بق شاب
لما تلتقى بالانبياء وتسلم على الصحابة ونشوف الملائكة بعينك
ومن اعظم النعم هى رؤية الله جل وعلى ووعده لاهل الجنة بالرضوان
فالجنة تستاهل إنك تعافر وتحارب عشان توصلها
فاللهم انا نسألك الجنة وما قرب إليها من قول وعمل