قصة ياجوج وماجوج
قوم ياجوج وماجوج هم اهل فساد وشر عندهم قوة شديدة استغلوها فى ظلم الناس
فكانو بيقتلوا ويسرقوا وياذو القرى الى حواليهم بشتى الون الاذية والعذاب
لحد مانتشر الفقر والجوع بسببهم وكانت الناس عاجزة تتعامل معاهم ازاى
فى الوقت ده كان ذى القرنين الى يعتبر احد ملوك الارض الاربعة بيفتح البلاد عشان ينشر دين التوحيد و عبادة الله
ولما مر ذى القرنين بالمنطقة دى عشان يفتحها طلبوا اهلها انه يساعدهم يبنى سد يفصلهم عن قوم ياجوج وماجوج
علشان افسادهم فى الارض وتدميرهم للزرع واذيتهم للناس بالضرب والسرقة
فوافق ذى القرنين يساعدهم وعمل سد بطريقة هندسية مبتكرة فعمل سبيكة من الحديد والنحاس
ورفض ياخد اى اموال من اهل القرية واحتسب اجره عند الله عز وجل
فحاول ياجوج وماجوج انهم يكسرو السد ولكن من صلابته مابيقدروش فكل مايخلصوا جزء ويرجعو يكملوا تانى يوم ربنا بيرجعو زى مكان
وخروج ياجوج وماجوج من علامات يوم القيامة فبعد مايكسروا السد ويخرجوا هيتفجا الناس باعدادهم المرعبة
فيشربو الأنهار ومايسبوش نقطة مايه وينشروا الفساد والهلاك والناس تتحصن منهم فى الجبال
فمحدش هيعرف يتعامل معهم لحد ماربنا يرسل عليهم حشرات او ديدان اسمها النغف فتقتلهم وماتسيبش منهم حد
وذكرت الاحاديث ان
الزمن الى هيخرجوا فيه هيمتلكوا فيه من اسباب القوة الى يتغلبوا بيها على كل المخلوقات
اما بسبب تقدمهم العسكرى الى وصلهم لتقنيات يقدروا بيها يبيدوا غيرهم
او زمن هترجع فيه الوسائل البدائية التقليدية
وهيكون عددهم المهول هو سبب فى انتصارهم
وفى النهاية كل قوم ياجوج وماجوج يعتبروا كافرين وكلهم فى النار