قصة النبى نوح عليه السلام
النبى نوح هو الاب التانى للبشر بعد ادم
ربنا سبحانه وتعالى بعثه لما انتشر الفساد فى الارض والناس عبدت الاصنام والطواغيت وبقوا فى ضلال وكفر
فربنا بعثوا رحمة للعباد فبدا يدعوا قومه بكل السبل الممكنة عشان يبعدوا عن عبادة الاوثان
ولكن مستجبوش ووصفو سيدنا نوح بالضلال واصروا على كفرهم
ولكن صبر سيدنا نوح وظل يدعوا قومه حوالى الف سنة
وذكر القران انه كان بيدعى قومه ليل ونهار ولكن كانو بيقفلو ودانهم عشان مايسمعوش
فكانوا متكبرين ومصرين على الكفر
والمحزن ان زوجة النبى نوح وابنه كانوا كافريين وكانوا بيتهموه بالجنون
ولما ياس النبى نوح من دعوة قومه دعا عليهم وقال لله انه يهلك الكافرين على الارض
علشان لو اتسابو هيضلو الناس ويجحدو بنعمك
لحد ما اوحى الله عليه ان مفيش حد هيؤمن من قومك الى الناس الى معاك
وانه يصنع سفينة والملائكة هتوجه وتديلو التعليمات و الناس الى امنت معاه هتساعده
والسفينة دى كانت معجزة النبى نوح
وكان كل مابيمر عليه قومه كانو بيستهزئوا بيهم لان مفيش انهار او بحار قيربة فى المكان الى عايشين فيه
وجه امر الله عزوجل بجمع كل حيوان وطير من المخلوقات ذكر وانثى وبدا الطوفان وخرج الماء من كل فتحة من فتحات الارض ماء ملء الارض كلها
وشاف النبى نوح ابنه وهو بيعافر عشان ينجو وقاله يركب معاه ولكن فصل بينهم الماء وغرق
وبعد ماغرقت كل الكائنات على الارض امر الله ان السماء تبطل تمطر والارض تبلع الماء
وتفرقت كل الكائنات وبدأت حياة جديدة مفهاش غير المؤمنين الموحدين بالله