قصة الخروف رقم 100
الولد ده قفل نور اوضة النوم وبدا يعد الخراف فى خياله عشان ينام
فبدا الخروف رقم واحد يتفاخر قدام الخرفان التانية لانه هيتعد الاول
وباقى الخرفان كان بيعدهم ورا بعض
فبنشوف هنا الخروف رقم 100 بيجى يسال الى قدامه
انه هل دوره قرب عشان يستعد وينط ولكن الى قدامه قاله لا
فبدا يساله كل شوية اكتر من مرة لحد مازهق منه
وقاله ارجع ورايا وخليك فى الطابور
وبدا الولد يعد الخرفان لحد ماجه رقم 100 واستعد الخروف
فلما نط اخيرا اختفى السرير ودا معنها ان الولد خلاص نام
فزعل جدا بسبب ان الولد ماعدوهوش وماستمتعش زى باقى الخرفان
وقال لى نفسه ليه مبقاش انا رقم 1
ففكر فخطة شريرة فاول ما مادخل الخروف رقم 1 الحمام
قفل عليه الباب بالمسامير وباللزق لدرجة انه لحم الباب
وقص الصوف بتاعه من عند الصفرين واصبح بالشكل ده هو رقم واحد
وجرى عشان ياخد دوره وبق اول خروف هينط
ولكن فى اللحظة دى حصلت حاجة غريبة
الولد بدل ما يبدا يعد الخرفان من الاول هيبدا يعدهم من الاخر
والكل كان بيدور على الخروف رقم 100
فساعتها الخروف ندم وزعل جامد من الى عمله
والمقصد من المقطع انك لازم تصبر وتثق فى الله
فماتخدش دور حد فى الحياة ورزقك هيجيلك لحد عندك
ودى قناة مختارات كان معاك يوسف سلام