قصة حلم العمر
الطفل ده كان بيلعب باللصاروخ جنب امه
وكان مستمتع جدا لان بيحب الفضاء
ولكن ساعتها شاف صاروخ كبير
والى كان لعبة مخصصة للاطفال ففرح جدا
وطلع الفلوس من جيبه عشان يجرب اللعبة
فلبس الخوذه واستعد علشان يطير
واول ماضغط على الزرار
اتفاجا ان اللعبة بدات تمرجحه
ودا خيب ظنه جدا وكان زعلان ان الصاروخ مابيطرش
لانه كان نفسه جدا يطير ويحقق حلمه
فمكانش معاه فلوس عشان يشغل الصاروحخ تانى وساعتها جه فى دماغه فكره
فجاب الوان وقرر يعمل مكان صغير يبيع فيه عصير لمون
فكان سعيد جدا انه بيعمل حاجة مكن توصله لحلمه
وعدى الوقت ساعة وراساعة يوم بعد يوم سنة ورا سنة
لحد مبق الطفل الصغير لشاب ومن شاب لراجل عجوز
فكان ساعتها محوش ثروة كبيرة جدا
فقرر خلاص يقفل المحل اخيرا ويروح للعبة من تانى
والى كان عدا الوقت عليها وافتقدها جدا بس منسهاش
فشال كل الفلوس الى جماعها وحطها كلها فى المكنة و
لبس الخوذة واستعد علشان يطير
ولكن لما ضغط مفيش حاجة حصلت فحاول تانى ولكن برضو لا
فزعل جدا وكان هيعيط
ولكن المكنة كانت لسه معلقة بسبب الفلوس واول ما نزلت الفلوس
الارض بدات تتهز والصاروخ ارتفع عن الارض
وانطلق الصاروخ بسرعة مجنونة عن الارض
واتحول من شخص عجوز لطفل تانى بعد ماحقق حلمه
صلى على النبى فى تعليق وقولى اتعلمت ايه من القصة